Cappella di S. Cristina in Gallipoli

Come ogni anno, a Gallipoli, hanno inizio oggi i tre giorni di Festa dedicati a S. Cristina, divenuta compatrona di Gallipoli (con S. Sebastiano e S. Agata) in seguito ala liberazione della città da una grave epidemia di colera, verificatasi nel 1867. La prima festa civile si svolse nel 1867 e succesivamente divenne una delle principali feste locali del salento.

Negli anni precedenti ho raccontato la soria del miracolo e la vita della Santa (si vedano i post pubblicati nei due anni precedenti attorno a questa data), quest'anno vi racconterò un po' di storia dell'antichissima cappella dedicata a S. Cristina, situata a Gallipoli in p.zza Aldo Moro proprio a ridosso della banchina.

I brani che vi pubblico sono tratti dal calendario in vernacolo "cantu te caddhuzzu" 2005 nella rubrica da me curata, dal titolo "A onore e cloria te S. Cristina". Pubblico il testo originale, poi pubblicerò la traduzione.

Na chiesiceddha ca ete tutta nu maraculu

Testimonia te lu maraculu ete la chiesiceddha te S.Cristina ca stae all’iniziu te piazza Aldo Moru, a do’ passi te lu mare piccinnu, te la chiesia te lu Cannitu, e de lu ponte seicentescu. Foe a ddhintra ca li Caddhipulini ficiara lu tritu te prechiera, cu ringraziene Santa Cristina, ca era sarvatu Caddhipuli te lu culera. Ma iti te sapire ca tandu la cappella nu era filu usata comu chiesia, percè era stata scunsacrata toi-tre seculi prima. Ci uliti culla sapiti tutta, ddhu periutu la tania an fittu mesciu Lorenzu Leu, nu vecchiarieddhu tantu spertu e tantu te carbu, ca stunava a ddhintra facendu conzi e brasepi te cunchije. Ogni tantu se riunia cu facci amicu, ca comu iddhu scia pacciu pellu mare, e nde offria nu bicchiarieddhu te rasoliu, mbarrandulu pe’ liquore ‘ngrese. Ddha chiesiceddha ete tutta nu maraculu! Lu putiti capire ui stessi te le cose ca be ticimu moi e de quiddhe ca cchiati cchiù nanzi. Nsignamu cullu tire ca la cappella ete una te le cchiu’ vecchie costruziuni te caddhipuli; seculi te vita, passati su nu puntu tantu beddhu ma tantu espostu alli ienti e alle mariggiate: nsiddhata te salamastra, spattuta te lu labbici e de la tramuntana, te la lavantara e de lu punente maistru. Quandu foe costruita, la banchina nun c’era ncora e lu mare la circundava te tre vande, trasia intra ‘lli scoji e se nfilava sotta alle fundamenta. Cusì rumase sinu alla fine te l’ottocentu. Quandu se ‘ggirava mmaletiempu, paria ca crolla te nu momentu all’addhu, ma alla fine ‘rrumania sempre all’erta. A tant’anni te storia, lu mare era smantellatu tanti fabbracati, s’era mangiatu lu muru te cinta te lu paese, era nienzitemenu stracangiatu la forma te la costa (comu dimostrene documenti certi), ma li pariti te la chiesiceddha nu erene butu mancu nu tannu. Pe’ quistu li caddhipulini vitiene su de iddha la manu te la Santa e topu tant’anni ca era scunsacrata la chiamavene ncora “Chiesia te S. Cristina”.

Sette seculi te storia

La cappella te S. Cristina ete na costruzione semplice, povareddha, propriu comu la gente ca la fabbracau: li piscaturi. Secondu certi storici, foe costruita alla fine te lu cinquecentu, ma standu all’articulu te nu scrittore, pubblicatu su nu “Spartacu” te l’annu 1899, ete mutu cchiu’ vecchia. Lu calculu se basa su na serie te documenti storici. Vitimu te ci se tratta! Comu imu già scrittu, prima te lu culera, la cappella la tania a ‘nfittu mesciu Lorenzu Leu; prima te tandu era stata depositu te alici e prima ncora la usavene li piscaturi pe’ puggiare riti e nasse. Nu se sape però né quandu e né percete la chiesia era stata scunsacrata. Lu vescuvu Montoja e lu vescuvu Filomarini, topu le visite te lu 1666 e de lu 1715, nd’ane lassatu to’ documenti scritti, addhu suntu mentuate tutte le chiesie te Caddhipuli, ma S. Cristina nun c’ete. Lu nome te la chiesiceddha nu se trova mancu sullu scrittu te lu Ravenna te lu 1813 “Memorie Istoriche di Gallipoli”, ca foe pubblicatu a Napuli. Ma ci pansati ca la chiesia nu esistia, be sciarrati te mutu. La chiesia stava ddhai, sulu ca era scunsacrata; percè ci sciamu cchiù rretu, alla visita te lu vecuvu Cibo te lu 1567, vitimu ca fra le chiesie te lu burgu, paru culla chiesia te lu Cannitu e de S. Nicola te lu portu, ete mentuata puru la chiesia te S. Cristina. Laggimu puru ca erene stati racoddi tre ducati pe’ lu restauru te la cappella, ca già alli tiempi te l’addha visita piscopale, nu tania cchiui né lamia e né artare; lu vescuvu tava ordine poi alli responsabili te la cappella te “S. Maria te la Misericordia”, cu restituiscene lu campanile alla chiesia te S.Cristina. Ci a metà cinquecentu, la chiesia stava a ddhu statu, era già tanire comu minimu nu seculu te vita. Perciò nun ete filu te la fine te lu cinquecentu, ma te lu quattrocentuo o te lu trecentu. Putimu taveru tire ca ddha chiesiceddha “ave vistu passare tant’acqua te sotta alli ponti” (lu ponte te taula prima e quiddhu te petra poi) e ci sape quanta, nd’ave bitire passare ncora!

La chiesiceddha turnau sacra

Ci nun era stato pellu maraculu te lu 1867, ci sape la cappella te S.Cristina pe’ quantu tiempu ‘ncora era rumasta scunsacrata, ci sape ci era chiui turnata cu essa sacra e ci sape ci moi stava ncora ddhai! Fattu stae ca a picca giurni te tiempu, le cose cangiara. Lu nome te la Santa sciu pe’ ndumanata, Caddhipuli era china te stu fattu: “Santa Cristina nd’ave sarvati te lu culera!”. Nu scrittore cadhipulinu te fine ottucentu, cunta lu fattu cusine. “Jeu stessu nu sacciu percete se rivulgira propriu a Santa Cristina e percete la priara propriu intra a ddhu bucicattulu, ma me ricordu ca jeu, piccinnu, vitti a picca giurni te tiempu, la putia te mesciu Lorenzu Leu cangiare facce e la gente scire ddh’intra a prucissione, cu ringrazia S. Cristina te lu crande maraculu ca era fattu pè Caddhipuli”. La chiesiceddha turnau cu essa cunsacrata: la beneticira, misara l’artare e la nchira te tuttu quiddhu ca sarvia pe’ le sante messe. Misara sull’artare, na statua te S. Cristina te cartapesta, fatta te n’artista leccese, Achille de Lucrezis, famosu puru in America, ca fatiava cu tanta passione e tania nu stile tuttu sou. Te tandu, la cappella passau sotta allu cumandu te Don Serafinu Cunsiju, rettore te la confraternita te la puritate, ca culla tegna era pacare ogni annu alla comune 21,25 lire. Tiempu topu ficiara na banchina te calcestruzzu cu proteggene la chiesia te le unde e, alla fine te lu seculu, cull’offerta te li cucchieri ficiara la lamia nova. Moi la chiesiceddha te S.Cristina nu dipende te la Puritate ma te lu Cannitu. La statua ‘ntica nu se trova cchiui sull’artare ma sullu parete te sinistra, te fronte nc’ete mbece n’addha statua ca ave ‘rrecalatu na tivota. Ogni annu, quandu ‘rriva la festa te Santa Cristina, la chiesiceddha se inche te gente ca vae cu visita la Santa e ole cu saccia notizie sulla cappella e sullu maraculu. Ma quista ete storia te moi e la canuscimu bona!